購物狂變施福者 社區快閃只送不賣我要讚
38歲的甄頌尹（阿尹）曾是購物狂，每天逛街Shopping充實枯燥師奶生活。直至數年前女兒患卵巢癌，她才覺悟到人生真諦不在乎物質享受。去年聖誕節時靈機一觸，透過街頭快閃活動將戰利品送人，搖身一變成環保先鋒，越來越多人仿效她做「快閃送物人」在街頭送暖。
自嘲曾是兼職家庭主婦、全職購物狂的阿尹，以往每天血拼，「我癲到同款衫褲買四、五種唔同顏色，試過一次過買12對鞋」。她稱如此瘋狂，全因師奶生活太平淡，要靠購物來找滿足感，「漸漸分唔清乜嘢係需要，乜嘢係想要」。
五年前愛女塏珵患上卵巢癌，令阿尹醒覺，「佢當時只得5歲，患咗咁重嘅病，再冇閒情購物，去醫院覆診做治療，唔好話唔得閒買嘢，連休息時間都唔夠」。過了四年觀察期，沒再發現癌細胞，醫生宣告塏珵康復。阿尹欲給女兒挑選一份禮物慶祝，眼前堆滿屋的簇新物品把她喚醒。「有大堆衫、首飾同家具，都係一時衝動買嘅，有啲仲未拆價錢牌，要扔好嘥」。聖誕節將至，她決定充當聖誕老人，將物資送人。
fb開群組「寶琳快閃站」
居住將軍澳的阿尹，膽粗粗在附近公園擺地攤，將衫褲鞋襪派街坊。她笑言最初竟被誤會是街頭騙案，「我講清楚係自己唔想嘥免費送出嚟，有啲人覺得執二攤冇面，不過試過有人唔客氣掃咗大批舊衫，原來係送畀老人院」。
街坊「執到寶」的笑容，令阿尹決定將活動發揚光大，在facebook開設群組「寶琳快閃站」，呼籲有心人齊齊為家中多餘物品尋找新主人。短短三個月，已有500個會員加入。阿尹堅信施比受更有福，從沒打算將雜物圖利，卻令她有意外收穫，既控制購物心癮，也拉近鄰里關係。眼見網上越來越多人發起類似街頭快閃送物活動，各區也有師奶找她取經，阿尹喜不自勝。
轉載自蘋果日報2013年3月14日