八月 182014
 

對於香蕉,相信冇人會唔熟佢,GoFruitGirl自從知道佢有幾勁之後,就DayDayBanana。

banana

上個月參與GreenMonday舉辦的環保嘉年華其中一個工作坊,當日就教大小朋友一齊玩【Banana Tattoo Art 】「香蕉皮刺繡」,當我問參加者小朋友食左香蕉有幾好,前排小男孩即刻大叫「防便秘」﹗企係佢後面既媽媽都尷尬地笑左出聲﹗哈哈。證明左香蕉係好多人心目中,會即刻令人聯想起….那個形狀。的確呀! 香蕉含有豐富既纖維,吸水力強,令便便既體積變大,去廁所既時候好似香蕉船咁滑左出海,真係力都唔洗點用。( 那位小男孩都應該親身體驗過才如此印象深刻)

不過呢,我就想代香蕉講,其實香蕉,對美容、情緒治療都好有功效! 唔好聽人講香蕉高熱量就打死都唔食,其實佢正正可以代你一餐,或者係你肚餓時候充饑。佢得熱量,冇脂肪,係減肥聖物! 所以筆者呢,就幾條蕉當正餐,唔肥,反而仲瘦左! (香蕉有碳水化合物、蛋白質、礦物質、維生素,營養充足!當然自己食左有唔舒服就注意個份量! ) 生食香蕉仲會愈食愈靚,唔洗講都知,水果既維生素礦物質係美容抗氧化美白既來源啦!香蕉皮仲可以去斑添!! ( 下回再分享)

當中既高鉀含量,仲會令人愈食愈HIGH,心情唔好就最好食佢,皆因食極唔肥,仲會令人哈哈大笑! 所以筆者次次食完蕉,真係好似跑完步咁令人Natural HIGH! 講香蕉,好處真係講極都講唔完。教我如何不愛她呢?  

對DayDayFruit 既我黎講,外出有時候都會帶蕉吃! 其實香蕉有好多食法同開法,我就係一次出外吃蕉既時候,就自創左【啜啜香蕉肉】呢個另類食法! ( 好過癮架!!)

 

工具及材料:

1.      水果刀仔一把 ( 我就用買奇異果送既小工具)

2.      香蕉一條 ( 最好起斑點蕉,功效勁8倍! )

STEPS_banana

GoFruitGirl 專頁:www.facebook.com/FoodCosmetology

回應

回應

Powered by Facebook Comments

 Posted by on 2014/08/18 at 10:34:56